Музей ба соёлын өв

ЮНЕСКО-гийн Дэлхийн өвд бүртгэлтэй Голестан ордон АНУ-Израилийн цохилтонд өртлөө

Editors

— 1 min read
Share
ЮНЕСКО-гийн Дэлхийн өвд бүртгэлтэй Голестан ордон АНУ-Израилийн цохилтонд өртлөө
Голестан ордон, агаарын цохилтын дараах байдал.

Ираны нийслэл Техран хотын Араг Талбайд 2026 оны 3-р сарын 2-нд өгсөн цохилтын дараах дэлбэрэлтийн долгион болон нурангиас болж Дэлхийн өвд бүртгэлтэй Голестан ордон сүйтгэгдсэн талаар ЮНЕСКО-c мэдээллээ. Араг Талбай нь Голестан ордны хамгаалалтын бүсэд байрладаг байна.

Голестан ордон, агаарын цохилтын дараах байдал. Гэрэл зургийг: Reuters

Ираны Сафавид гүрний (1501 - 1736) үед эхлэл нь тавигдаж хожим Хажар гүрний (1794 - 1925) үед өргөтгөгдсөн Голестан ордон нь Персийн гар урлал, уран барилгын гайхамшигт өв юм. Ордны түүх Техран хотыг улсын нийслэл болж Кажарын хааны гэр бүлийн засаг захиргааны төв болсон үетэй холбогдох бөгөөд тус хотын хамгийн эртний барилгуудын нэг юм.

Голестан ордон, 2010. Гэрэл зургийг: Соруш Ангабини ©Соруш Ангабини

Орон нутгийн хэвлэлүүдэд нийтлэгдсэн зургуудаас ордны таних тэмдэг болсон толь болон шилэн чимэглэлүүд гэмтсэн харагдаж байна. Эдгээр толин чимэглэлүүд нь 19-р зуунаас улбаатай юм. Голестан цогцолбор музей нь найман ордон болон цэцэрлэгт хүрээлэнгээс бүрддэг бөгөөд өдгөө нурангиар дүүрч, “орси” нэртэй цонхнууд нь хагарч, модон хаалганууд мөн гэмтсэн байна.

Иран улс ЮНЕСКО-ийн Дэлхийн өвд бүртгэлтэй нийт хорин есөн дурсгалтай. Голестан ордноос өөр дурсгал эвдэрч сүйдсэн мэдээ одоогоор зарлагдаагүй байна. Олон улсын эрх зүйн хүрээнд дайн ба зэвсэгт мөргөлдөөний үеэр түүх соёлын өв хамгаалагддаг. 1954 оны Зэвсэгт мөргөлдөөний үед соёлын үнэт зүйлсийг хамгаалах тухай Гаагийн конвенц мөн 1972 оны Дэлхийн байгалийн болон соёлын өвийг хамгаалах тухай конвенц зэрэг олон улсын гэрээ, конвенцүүдийн хүрээнд Голестан ордон зэрэг дурсгалт газрууд хамгаалагдах ёстой ч ийнхүү гэмтэж сүйдсэн нь тун харамсалтай.

Read more

Өөрчлөгдөх боломж, ухамсарлах шаардлагын тухай сануулах “Сүүлчийн зүүд” үзэсгэлэн

Өөрчлөгдөх боломж, ухамсарлах шаардлагын тухай сануулах “Сүүлчийн зүүд” үзэсгэлэн

Энэ удаагийн “Сүүлчийн зүүд” үзэсгэлэн нь уур амьсгалын өөрчлөлт, цөлжилт зэрэг байгаль орчны тулгамдсан асуудлыг онцлон авч үзэж, хүний үйл ажиллагаа болон хүн, байгалийн харилцан хамаарлын талаар эргэцүүлэх боломжийг бүрдүүлжээ.
Ж.Мөнхцэцэгийн “Зээр юу зүүдэлсэн бэ?” үзэсгэлэн ба эмзэг байгаль дэлхийн хамгаалагч байх нь

Ж.Мөнхцэцэгийн “Зээр юу зүүдэлсэн бэ?” үзэсгэлэн ба эмзэг байгаль дэлхийн хамгаалагч байх нь

“Зээр юу зүүдэлсэн бэ?” үзэсгэлэнгээр дамжуулан уран бүтээлч өөрөө анагаагч, хамгаалагчийн дүрээр бүтээлүүддээ давтагдан оршиж, хүн ба байгаль хоорондын тасарсан холбоог дахин сэргээх боломжийг эрэлхийлжээ.
Венецийн Биенналийн “Гайхамшигт хүлэг морьд давхих газар” үзэсгэлэн Марко Пологийн мөрөөр Монголд ирлээ

Венецийн Биенналийн “Гайхамшигт хүлэг морьд давхих газар” үзэсгэлэн Марко Пологийн мөрөөр Монголд ирлээ

Дэлхийн хамгийн нэр хүндтэй урлагийн байгууллагуудын нэг болох Венецийн Биенналь өөрийн Түүхэн архивын сангийн “Тэнгэрийг бүтээгч салхи. Марко Пологийн мөрөөр Венецийн Биенналь” төслөөр дамжуулан Улаанбаатар хотноо хүрэлцэн ирээд байна.