16 дахь Гвангжу Биеннальд оролцох Монголын үндэсний павильоныг танилцуулах тусгай үзэсгэлэн болно
16 дахь удаагийн Гвангжу Биеннальд Монголын үндэсний павильон оролцож буйтай холбогдуулан тусгай үзэсгэлэнг толилуулна.
Азийн тэргүүлэх урлагийн наадам болох 16 дахь удаагийн Гвангжу Биеннальд Монголын үндэсний павильон оролцож буйтай холбогдуулан Хөх Нар Монголын Орчин Үеийн Урлагийн Төв, Сав урлагийн орон зай, Тондо Арт Галерей хамтран биеннальд оролцож буй уран бүтээлчдийг танилцуулах болон тусгай хэвлэлийн бүтээлүүдийн нээлтийн үзэсгэлэнг толилуулна.
Гвангжу Биенналь дахь Монгол павильон нь энэ удаад “Өнөдийн ба алсын: хамтын ой санамж ба орчин үеийн сорилт” сэдвийг дэвшүүлж буй бөгөөд куратораар Хөх Нар Монголын орчин үеийн урлагийн төвийн арт директор, уран бүтээлч Ж.Анунаран болон Монголын уран зургийн галерейн куратор Б.Мөнгөнчимэг нар хамтран ажиллаж байна. Павильонд уран бүтээлч У.Нарбаясгалан, Ц.Түвшинжаргал, Б.Бат-Эрдэнэ, Б.Баатарзориг, Ө.Өнөр нар бүтээлээ толилуулах юм.
Кураторуудын тодорхойлсноор Монголын павильон нь өнгөрсөн үеийг зөвхөн эргэн санах бус, өнөдөөс ухварласан мэдлэг, өгөгдлийг өнөөдрөөс ирээдүй рүү чиглэсэн төсөөлөл, ухамсар, оюун санааны тэсрэлт болгоход чиглэж, улс орнуудад тулгамдаж буй ижил асуудлуудын илрэл хоорондын уулзаж буй цэгийг хөндөх юм.
Тусгай үзэсгэлэнгийн нээлт 2026 оны 6-р сарын 24-ний 19:00 цагт Хөх Нар Монголын орчин үеийн урлагийн төвийн Сав урлагийн орон зайд болно.
